विश्व खबर 
काठमाडौं– इरानी रिभोलुसनरी गार्ड कर्प्स (आईआरजीसी) का उपकमान्डर मेजर जनरल मुस्तफा इजादीले अमेरिकी सैन्य अखडाहरूले सुरक्षा प्रदान गर्छन् भन्ने भ्रम अब अन्त्य भएको बताएका छन् ।
इरानी सञ्चारमाध्यमसँग कुरा गर्दै उनले इरानविरुद्धको युद्धमा अमेरिकाको ‘साम्राज्यवाद’ कागजी बाघ मात्र भएको प्रमाणित भएको दाबी गरे ।
यस द्वन्द्वका क्रममा इरानले खाडी मुलुकहरूमा रहेका अमेरिकी सैन्य अखडाहरूलाई निरन्तर निशाना बनाउँदै आएको छ । केही अवस्थामा इरानले ऊर्जा तथा अन्य पूर्वाधारमाथि समेत आक्रमण विस्तार गरेको छ ।
इजादीले इरानी सशस्त्र सेनाले भौगोलिक सीमाको कुनै बन्देजविना हरेक तहका खतराको सामना गर्ने पनि बताएका छन् ।
सन् २०२६ को अगस्टमा आईआरजीसीको उपकमान्डरमा बढुवा भएका इजादी यसअघि यसको स्थल सेनाका कमान्डर थिए ।
प्रतिक्रिया दिनुहोस्
