विश्व खबर 
काठमाडौं– नेपाली कांग्रेसको १५औँ महाधिवेशनमा सभापति पदमा निर्वाचित गगनकुमार थापाले सर्वाधिक मत प्राप्त गरेका छन् ।
सभापतिका प्रतिस्पर्धी श्यामकृष्ण खड्कालाई पराजित गर्दै थापाले ६ हजार ५८४ मत प्राप्त गरेका हुन् ।
यो कुल मतको ९४.६ प्रतिशत हो ।
खड्काले भने ३७५ मत अर्थात् ५.४ प्रतिशत मत प्राप्त गरेका छन् ।
महाधिवेशनमा निर्वाचित उम्मेदवारमध्ये सबैभन्दा बढी मत प्राप्त गर्ने शीर्ष १० को सूचीमा सभापति थापासहित खुला केन्द्रीय सदस्य, महिला केन्द्रीय सदस्य, सहमहामन्त्री तथा विभिन्न समूहबाट निर्वाचित सदस्यहरू परेका छन् ।
उपलब्ध मतपरिणामअनुसार दोस्रो स्थानमा ललितपुर महानगरपालिकाका प्रमुखसमेत रहेका खुला केन्द्रीय सदस्य चिरीबाबु महर्जन छन् ।
उनले ५ हजार ३३० मत प्राप्त गरेका छन् ।
यो कुल मतको ७७.५ प्रतिशत हो ।
तेस्रो स्थानमा वासना थापा रहेकी छन् ।
महिला खुला केन्द्रीय सदस्यमा निर्वाचित उनले ५ हजार १९३ मत अर्थात् ७४ प्रतिशत प्राप्त गरेकी छन् ।
त्यस्तै, बागमती प्रदेशबाट महिला केन्द्रीय सदस्यमा निर्वाचित हरिप्रभा खड्गी ५ हजार १२६ मतसहित चौथो स्थानमा रहेकी छन् ।
उनले ७३.८ प्रतिशत मत प्राप्त गरेकी छन् ।
महिला सहमहामन्त्रीमा निर्वाचित प्रतिमा गौतम ५ हजार ११६ मतसहित पाँचौँ स्थानमा रहेकी छन् ।
उनले ७२.९ प्रतिशत मत प्राप्त गरेकी छन् ।
खुला केन्द्रीय सदस्यमा निर्वाचित निश्कल राई ४ हजार ९५६ मतसहित छैटौँ स्थानमा छन् ।
उनको मत प्रतिशत ७२ रहेको छ ।
दलित सहमहामन्त्रीमा निर्वाचित प्रकाश रसाइली ‘स्नेही’ ४ हजार ८०३ मतसहित सातौँ स्थानमा छन् ।
उनले ६९.२ प्रतिशत मत प्राप्त गरेका छन् ।
जनजाति केन्द्रीय सदस्यमा निर्वाचित तीर्थ लामा ४ हजार ८५३ मतसहित आठौँ स्थानमा रहेको विवरणमा उल्लेख छ ।
खुला केन्द्रीय सदस्यमा निर्वाचित इन्द्रबहादुर बानियाँ ४ हजार ७३२ मतसहित नवौँ स्थानमा छन् ।
उनले कुल मतको ६८.८ प्रतिशत प्राप्त गरेका छन् ।
त्यस्तै, गण्डकी प्रदेशबाट ३५ वर्षमुनिको युवा केन्द्रीय सदस्यमा निर्वाचित इन्जिनियर सुवास पौडेल ४ हजार ५४९ मतसहित शीर्ष १० मा परेका छन् ।
उनले ६५.८ प्रतिशत मत प्राप्त गरेका छन् ।
सर्वाधिक मत प्राप्त गर्ने शीर्ष १० उम्मेदवार
१. गगनकुमार थापा : सभापति– ६,५८४ मत (९४.६ प्रतिशत)
२. चिरीबाबु महर्जन : खुला केन्द्रीय सदस्य– ५,३३० मत (७७.५ प्रतिशत)
३. वासना थापा : महिला खुला केन्द्रीय सदस्य– ५,१९३ मत (७४ प्रतिशत)
४. हरिप्रभा खड्गी : बागमतीबाट महिला केन्द्रीय सदस्य– ५,१२६ मत (७३.८ प्रतिशत)
५. प्रतिमा गौतम : महिला सहमहामन्त्री– ५,११६ मत (७२.९ प्रतिशत)
६. निश्कल राई : खुला केन्द्रीय सदस्य– ४,९५६ मत (७२ प्रतिशत)
७. प्रकाश रसाइली ‘स्नेही’ : दलित सहमहामन्त्री– ४,८०३ मत (६९.२ प्रतिशत)
८. तीर्थ लामा : जनजाति केन्द्रीय सदस्य– ४,८५३ मत (६९.१ प्रतिशत)
९. इन्द्रबहादुर बानियाँ : खुला केन्द्रीय सदस्य– ४,७३२ मत (६८.८ प्रतिशत)
१०. इन्जिनियर सुवास पौडेल : गण्डकीबाट ३५ वर्षमुनिका युवा केन्द्रीय सदस्य– ४,५४९ मत (६५.८ प्रतिशत)
