विश्व खबर 
काठमाडौं– अमेरिकी राष्ट्रपति डोनाल्ड ट्रम्पले आफूले आठवटा युद्ध अन्त्य गराएकाले नोबेल शान्ति पुरस्कार पाउनुपर्ने दाबी गरेका छन् ।
ओभल अफिसमा पत्रकारहरूसँग कुरा गर्दै ट्रम्पले कुनै पनि अमेरिकी राष्ट्रपतिले आफूले जस्तो युद्ध अन्त्य नगरेको दाबी गरे ।
उनले आफूले आठ युद्ध अन्त्य गर्नुका साथै विश्वलाई ठूलो विनाशबाट जोगाएको बताए ।
सन् २०२६ को नोबेल शान्ति पुरस्कार शुक्रबार घोषणा हुँदैछ ।
पुरस्कारबारे सोधिएको प्रश्नमा ट्रम्पले समितिको निर्णय आफूलाई थाहा नभएको बताए ।
दोस्रो कार्यकाल सुरु गरेदेखि नै ट्रम्पले विभिन्न अन्तर्राष्ट्रिय द्वन्द्व अन्त्य गर्न भूमिका खेलेको भन्दै आफू नोबेल शान्ति पुरस्कारको हकदार रहेको दाबी गर्दै आएका छन् ।
यसअघि सन् २०२५ की नोबेल शान्ति पुरस्कार विजेता भेनेजुएलाकी विपक्षी नेतृ मारिया कोरिना मचाडोले आफ्नो पदक ट्रम्पलाई हस्तान्तरण गरेकी थिइन् ।
