विश्व खबर 
काठमाडौं – वर्षासँगै आएको हावाहुरीले गुल्मीको सत्यवती गाउँपालिका–३ ठूलोलुम्पेकमा व्यावसायिक गोलभेडा खेतीमा क्षति पुर्याएको छ ।
हावाहुरीका कारण तरकारी खेतीका लागि निर्माण गरिएका करिब १०० टनेलमध्ये ८० वटा टनेलको प्लास्टिक च्यातिएको किसानले बताएका छन् । टनेलको प्लास्टिक च्यातिएपछि भित्र लगाइएको गोलभेडा खेतीसमेत प्रभावित भएको छ ।
व्यावसायिक रूपमा तरकारी खेती गर्दै आएका किसानले टनेलमा क्षति पुगेपछि गोलभेडा उत्पादनमा नोक्सानी भएको बताएका छन् । वर्षासँगै आएको तीव्र हावाले टनेलको प्लास्टिक उडाएपछि खेती असुरक्षित बनेको किसानको भनाइ छ ।
ठूलोलुम्पेकमा किसानले टनेल निर्माण गरी गोलभेडालगायत तरकारी खेती गर्दै आएका छन् । हावाहुरीबाट ठूलो संख्यामा टनेलमा क्षति पुगेपछि किसानलाई पुनः प्लास्टिक फेर्नुपर्ने अवस्था आएको छ ।
प्रतिक्रिया दिनुहोस्
