विश्व खबर 
काठमाडौं– सर्वोच्च अदालतले पत्रकार किशोर श्रेष्ठलाई साउन २९ गते सोमबार बरामद सामग्रीसहित अदालतमा उपस्थित गराउन आदेश दिएको छ ।
बन्दी प्रत्यक्षीकरणको रिटमा न्यायाधीश बालकृष्ण ढकालको इजलासले यो आदेश जारी गरेको हो ।
प्रहरीले श्रेष्ठलाई साउन २३ गते बुधबार राति पक्राउ गरी उनको कार्यालय र घरबाट कम्प्युटर, ल्यापटप, मोबाइललगायत विद्युतीय सामग्री जफत गरेको थियो ।
उनीमाथि वैयक्तिक गोपनीयता ऐन, २०७५ विपरीतको कसुरको आरोप छ ।
श्रेष्ठकी श्रीमती सरस्वतीले दायर गरेको बन्दी प्रत्यक्षीकरण रिटपछि अदालतले सो आदेश दिएको हो ।
प्रहरीले अनुसन्धानका लागि अदालतबाट तीन दिनको म्याद पाएको थियो ।
पत्रकार महासंघलगायत विभिन्न संस्था र राजनीतिक दलहरूले उनको पक्राउको विरोध गर्दै निःशर्त रिहाई माग गरेका छन् ।
प्रतिक्रिया दिनुहोस्
