विश्व खबर 
काठमाडौं– इरानबाट हत्याको धम्की आएपछि अमेरिकी राष्ट्रपति डोनाल्ड ट्रम्पले गत महिना टर्कीबाट बेलायत जाँदा गोप्य रूपमा विमान परिवर्तन गरेको खुलासा भएको छ ।
वासिङ्टन पोस्टका अनुसार ट्रम्प जुलाई ८ मा अङ्कारामा एयर फोर्स वनमा चढेको देखिए पनि केही समयपछि उनी सानो सी–३२ ए विमानमार्फत बेलायत पुगेका थिए ।
यो जानकारी सञ्चारमाध्यम र केही अधिकारीबाट समेत गोप्य राखिएको थियो ।
रिपोर्टअनुसार इरानी प्रोक्सी समूहबाट हुन सक्ने सुरक्षा खतराका कारण विमान परिवर्तन गरिएको हो ।
यस घटनाले कतारले अमेरिकालाई उपहार दिएको नयाँ बोइङ ७४७–८ एयर फोर्स वनको सुरक्षा क्षमतामाथि पनि प्रश्न उठाएको छ ।
ह्वाइट हाउसले भने नयाँ विमान अत्याधुनिक रहेको र राष्ट्रपतिको सुरक्षाका लागि सबै उच्चस्तरीय सुरक्षा प्रोटोकल लागू गरिएको जनाएको छ ।
प्रतिक्रिया दिनुहोस्
