विश्व खबर 
काठमाडौं– मंगलबार सेयर बजारमा सुधार देखिएको छ ।
नेप्से परिसूचक २४.५७ अंकले बढेर २६५१ अंकमा पुगेको छ ।
अघिल्लो कारोबार दिन २६.२९ अंकले घटेको बजार मौद्रिक नीतिप्रतिको सकारात्मक अपेक्षासँगै उकालो लागेको हो ।
कारोबार रकम पनि बढेर ४ अर्ब ४० करोड रुपैयाँ पुगेको छ, जुन अघिल्लो दिन ३ अर्ब ५५ करोड रुपैयाँ थियो ।
आज २१० कम्पनीको सेयर मूल्य बढ्दा ५७ कम्पनीको घट्यो भने १० कम्पनीको मूल्य स्थिर रह्यो ।
सबै उपसूचक हरियो रहँदा बैंकिङ, व्यापार र विकास बैंक समूहमा उल्लेख्य वृद्धि देखियो ।
कालंगा हाइड्रोपावरको सेयर मूल्य १५ प्रतिशतले बढ्दा आत्मनिर्भर लघुवित्त १३.७८ प्रतिशतले घट्यो ।
सर्वाधिक कारोबार हुने कम्पनीमा ग्लोबल आईएमई बैंक, कर्पोरेट डेभलपमेन्ट बैंक, आँखुखोला जलविद्युत्, रिलायन्स स्पिनिङ मिल्स र शिवम् सिमेन्ट रहे ।
प्रतिक्रिया दिनुहोस्
