विश्व खबर 
काठमाडौं– सरकारले विद्यालयस्तरमै राष्ट्रिय सेवा दल गठन गरी विद्यार्थीलाई सैन्य तालिम दिने तयारी गरेको छ ।
यसका लागि सरकारले ‘राष्ट्रिय सेवा दलसम्बन्धी विधेयक, २०८३’ संघीय संसदमा दर्ता गरेको छ ।
विधेयकले कार्यान्वयनमा नरहेको राष्ट्रिय सेवा दल ऐन, २०२७ लाई प्रतिस्थापन गर्दै संविधान र संघीय संरचनाअनुसार नयाँ व्यवस्था गर्न प्रस्ताव गरेको हो ।
विधेयकअनुसार सामुदायिक र संस्थागत दुवै विद्यालयका विद्यार्थीलाई तालिममा सहभागी गराइनेछ ।
कक्षा ८–१० का १३–१८ वर्ष उमेर समूहका विद्यार्थीलाई ‘जुनियर डिभिजन’ र कक्षा ११–१२ का १६–२१ वर्ष उमेर समूहका विद्यार्थीलाई ‘सिनियर डिभिजन’ अन्तर्गत तालिम दिइने व्यवस्था गरिएको छ ।
सरकारका अनुसार कार्यक्रमको उद्देश्य विद्यार्थीमा देशप्रेम, अनुशासन, जनसेवा र राष्ट्रिय एकताको भावना विकास गर्नु हो ।
प्रतिक्रिया दिनुहोस्
