विश्व खबर 
तेहरान– अमेरिका र इरानबीचको सैन्य तनाव थप चर्किएको छ ।
अमेरिकाले लगातार दोस्रो दिन इरानमाथि हवाई आक्रमण गरेपछि प्रतिशोधस्वरूप इरानले बहराइन र कुवेतस्थित अमेरिकी सैन्य अखडाहरूलाई निशाना बनाएको दाबी गरेको छ ।
अमेरिकी केन्द्रीय सैन्य कमाण्डले आत्मरक्षाका लागि इरानका सैन्य संरचनामाथि आक्रमण जारी राखिएको जनाएको छ ।
त्यसको जवाफमा इरानले अमेरिकी सैन्य अखडा तथा होर्मुज जलडमरूमध्य क्षेत्रमा रहेका तेल बोक्ने जहाजहरूलाई समेत निशाना बनाएको दाबी गरेको छ ।
तनाव बढेसँगै अन्तर्राष्ट्रिय बजारमा कच्चा तेलको मूल्य करिब दुई प्रतिशतले वृद्धि भई प्रति ब्यारेल ९५ अमेरिकी डलर नाघेको छ ।
अमेरिकी राष्ट्रपति डोनाल्ड ट्रम्पले इरानविरुद्ध थप कडा कारबाहीको चेतावनी दिएका छन् भने इरानी राष्ट्रपति मसूद पेजेस्कियानले कुनै पनि दबाब वा धम्कीको सामना गर्न तयार रहेको बताएका छन् ।
बढ्दो तनावप्रति संयुक्त राष्ट्रसंघका महासचिव एन्टोनियो गुटेरेसले गम्भीर चिन्ता व्यक्त गर्दै मध्यपूर्व अझ गहिरो संकटतर्फ धकेलिएको बताएका छन् ।
उनले सबै पक्षलाई संयमता अपनाउन र कूटनीतिक समाधान खोज्न आग्रह गरेका छन् ।
