विश्व खबर 
काठमाडौं– नेपाली बजारमा सोमबार (जेठ ४) सुनको मूल्य बढेको छ ।
सुनको मूल्य तोलामा ८०० रुपैयाँले बढेको नेपाल सुन–चाँदी व्यवसायी महासंघले जनाएको छ ।
यस दिन छापावाल सुनको मूल्य तोलाको दुई लाख ९४ हजार ८०० रुपैयाँ कायम छ ।
आइतबार (जेठ ३) छापावाल सुन प्रतितोला दुई लाख ९४ हजार रुपैयाँमा किनबेच भएको थियो ।
चाँदीको मूल्य भने तोलामा २० रुपैयाँले घटेको छ ।
चाँदी प्रतितोला पाँच हजार ४० रुपैयाँमा खरिद–बिक्री भइरहेको महासंघले जनाएको छ ।
आइतबार चाँदी प्रतितोला पाँच हजार ६० रुपैयाँमा कारोबार भएको थियो ।
प्रतिक्रिया दिनुहोस्
