विश्व खबर 
काठमाडौं– अमेरिकी राष्ट्रपति डोनाल्ड ट्रम्पले इरानसँगको सम्भावित युद्ध चाँडै अन्त्य हुने दाबी गरेका छन् ।
जर्जियाको गभर्नर पदका लागि रिपब्लिकन उम्मेदवार बर्ट जोन्सको समर्थनमा आयोजित कार्यक्रममा बोल्दै ट्रम्पले अमेरिका र इरानबीच सम्झौताको प्रयास भइरहेको बताएका हुन् ।
उनले होर्मुज जलसन्धि र इरानको परमाणु कार्यक्रमबारे सहमति जुटाउने प्रयास भइरहेको पनि उल्लेख गरे ।
सीएनएनका अनुसार इरानले बिहीबार मध्यस्थकर्तामार्फत अमेरिकाले पेश गरेको प्रस्तावबारे आफ्नो जवाफ दिने तयारी गरेको छ ।
इरानको विदेश मन्त्रालयका प्रवक्ता इस्माइल बकाईले अमेरिकी प्रस्तावबारे पाकिस्तानी मध्यस्थकर्तामार्फत आफ्नो धारणा राखिने बताएका छन् ।
सीएनएनले कूटनीतिक स्रोतलाई उद्धृत गर्दै अमेरिका र इरान दुवै पक्ष युद्ध अन्त्य गर्ने सम्झौतातर्फ अघि बढिरहेको जनाएको छ ।
इरानले भने अमेरिकी प्रस्तावमाथि अहिले आन्तरिक छलफल भइरहेको जनाएको छ ।
