विश्व खबर 
काठमाडौं– प्यालेस्टिनी समर्थनमा गाजा जान सहायता सामग्री बोकेर अघि बढेको ‘ग्लोबल सुमुद फ्लोटिला’का २२ डुंगालाई इजरायली सेनाले ग्रिसको क्रेट नजिकै अन्तर्राष्ट्रिय जल क्षेत्रमा रोकेको छ ।
यस क्रममा १७५ जनालाई नियन्त्रणमा लिइएको इजरायली विदेश मन्त्रालयले जनाएको छ ।
फ्लोटिलामा रहेका बाँकी ३६ डुंगामध्ये अधिकांश हाल क्रेटको दक्षिणी तट नजिक छन् ।
स्पेन, फ्रान्स र इटालीका ५८ जहाज सहभागी यस अभियानको उद्देश्य गाजामाथिको नाकाबन्दी तोड्ने रहेको थियो ।
यस घटनापछि पाकिस्तानसहित ११ देशका विदेशमन्त्रीहरूले संयुक्त विज्ञप्ति जारी गर्दै इजरायलको कदमको निन्दा गरेका छन् ।
उनीहरूले यसलाई शान्तिपूर्ण मानवीय पहलमाथिको हस्तक्षेप भन्दै अन्तर्राष्ट्रिय कानुनको उल्लंघन भएको आरोप लगाएका छन् ।
प्रतिक्रिया दिनुहोस्
