विश्व खबर 
काठमाडौं– यसपटक टी–२० विश्वकपको सेमिफाइनलमा चार फरक चरित्रका टोली पुगेका छन् ।
दुईपटक उपाधि जितिसकेका इङ्ल्यान्ड क्रिकेट टोली र भारत राष्ट्रिय क्रिकेट टोलीसँगै पहिलो उपाधिको खोजीमा रहेका दक्षिण अफ्रिका राष्ट्रिय क्रिकेट टोली र न्युजिल्यान्ड राष्ट्रिय क्रिकेट टोली अन्तिम चारमा पुगेका हुन् ।
पहिलो सेमिफाइनल बुधबार कोलकाताको इडेन गार्डेन्समा न्युजिल्यान्ड र दक्षिण अफ्रिकाबीच हुनेछ ।
दोस्रो सेमिफाइनल बिहीबार मुम्बइको वानखेड स्टेडियममा इङ्ल्यान्ड र भारतबीच खेलाइनेछ ।
फाइनल भने मार्च ८ मा अहमदाबादस्थित नरेन्द्र मोदी स्टेडियममा हुनेछ ।
इङ्ल्यान्ड (२०१०, २०२२) र भारत (२००७, २०२४) दुवैले दुई–दुई पटक उपाधि जितेका छन् ।
दुवै टोली यसपटक पनि सन्तुलित ब्याटिङ र बलिङका कारण बलियो दाबेदार देखिएका छन् ।
दक्षिण अफ्रिका भने यस संस्करणमा अपराजित रहँदै सेमिफाइनल पुगेको एकमात्र टोली हो ।
अघिल्लो संस्करणको उपविजेता दक्षिण अफ्रिका पहिलो उपाधिको खोजीमा छ ।
न्युजिल्यान्डले पनि संघर्षपूर्ण यात्रा तय गर्दै अन्तिम चारमा स्थान बनाएको हो ।
यसअघि फाइनलसम्म पुगे पनि उपाधि जित्न नसकेको किविज टोली यसपटक इतिहास रच्ने लक्ष्यमा छ ।
यसपटकको फाइनलमा अनिवार्य रूपमा एक पूर्वविजेता र एक नयाँ च्याम्पियन दाबेदारबीच प्रतिस्पर्धा हुने निश्चित भएको छ ।
