विश्व खबर 
काठमाडौं– शनिबार इरानमा अमेरिकी–इजरायली संयुक्त हमलापछि अमेरिकी सैन्य शिविरमा हवाई सुरक्षा कमजोर भएको विषय पेन्टागनका अधिकारीहरूका लागि चिन्ताको विषय बनेको छ ।
वासिङटन पोस्टका अनुसार, इरानसँगको द्वन्द्व दीर्घकालीन बन्ने संकेत देखिएको र अमेरिकी शिविरमा लगातार आक्रमण भएपछि अधिकारीहरू सतर्क भएका छन् ।
अहिलेसम्म चार अमेरिकी सैनिकको मृत्यु भइसकेको छ भने पाँच जना घाइते भएका छन् ।
दुई दिनको सैन्य कारबाहीमा अमेरिकी पक्षले इरानी मिसाइल र ड्रोन हमलाको क्षेत्रमा सक्रिय आक्रमण गरेको भए पनि, इरानको प्रतिकारपछि पेन्टागन अधिकारीहरू चिन्तित छन् ।
करिब २०० सैन्य विमानले इरानमा हमला गरेको थियो, जसले केही क्षति त पुर्यायो, तर आक्रमणको पूर्ण लक्ष्य हासिल भने गर्न सकेन ।
अहिले इरानले अरब क्षेत्रदेखि युरोपको साइप्रससम्म ड्रोन र मिसाइल हमला जारी राखेको छ ।
प्रतिक्रिया दिनुहोस्
