विश्व खबर 
काठमाडौं– Israel ले Lebanon मा गरेको हवाई आक्रमणमा ३१ जनाको मृत्यु भएको र १४९ जना घाइते भएको लेबनानी स्वास्थ्य मन्त्रालयले जनाएको छ ।
मन्त्रालयद्वारा जारी विज्ञप्तिमा मृतकको संख्या प्रारम्भिक भएको उल्लेख गरिएको छ ।
आक्रमणअघि इजरायलले लेबनानका ५० भन्दा बढी सहर तथा गाउँका बासिन्दालाई सुरक्षित स्थानमा सर्न चेतावनी दिएको थियो ।
यसअघि Hezbollah ले इरानका सर्वोच्च नेता Ali Khamenei को हत्याको बदला लिन भन्दै इजरायलतर्फ क्षेप्यास्त्र र ड्रोन प्रहार गरेको जनाएको थियो ।
त्यसपछि दुवै पक्षबीचको तनाव चर्किएको हो ।
इजरायली सेनाले लेबनानभित्रका विभिन्न लक्ष्यमा जवाफी कारबाही भइरहेको जनाएको छ ।
इजरायली सेनाका अनुसार प्रहार गरिएका अधिकांश क्षेप्यास्त्र खुला क्षेत्रमा खसेका थिए ।
शिया मुस्लिम राजनीतिक तथा सैन्य संगठन हिज्बुल्लाहलाई इरानबाट बलियो समर्थन प्राप्त छ ।
उक्त संगठनले इजरायलको अस्तित्वको अधिकारलाई अस्वीकार गर्दै आएको छ ।
यसैबीच United States र इजरायलले शनिबार इरानमा संयुक्त हवाई हमला गर्दा अयातोल्लाह अली खामेनीसहित झन्डै ४० जना उच्च पदस्थ नेता तथा अधिकारी मारिएको दाबी गरिएको छ ।
जवाफमा इरानले इजरायल तथा अमेरिकी सैन्य उपस्थिति रहेका यूएईलगायत खाडी मुलुकमा क्षेप्यास्त्र प्रहार गरिरहेको जनाएको छ ।
अमेरिकी राष्ट्रपति Donald Trump ले ‘सबै उद्देश्य पूरा नहुँदासम्म’ इरानमाथि आक्रमण जारी रहने बताएका छन् ।
