काठमाडौं– नेपाली कम्युनिस्ट पार्टी (नेकपा)को राष्ट्रिय सभा संसदीय दलको नेतामा वेदुराम भुसाल नियुक्त भएका छन् ।
आइतबार सिंहदरबारमा बसेको संसदीय दलको बैठकले भुसाललाई दलको नेता चयन गरेको हो ।
बैठकले प्रमुख सचेतकमा मदनकुमारी शाह ‘गरिमा’ र सचेतकमा गंगा बेलवासेलाई पनि नियुक्त गरेको छ ।
यसअघि दलका नेता रहेका नारायणकाजी श्रेष्ठले राजीनामा दिएर प्रतिनिधिसभा निर्वाचनको उम्मेदवार बनेपछि भुसाललाई नयाँ दलनेताका रूपमा जिम्मेवारी दिइएको नेकपाले जनाएको छ ।
प्रतिक्रिया दिनुहोस्























