images
images
  • प्रचण्डको प्रतिवद्धता गफमै सीमित, १६४ उम्मेदवारमा एकमात्र २७ वर्षका जेनजी

    काठमाडौं– नेपाली कम्युनिष्ट पार्टीका संयोजक पुष्पकमल दाहाल (प्रचण्ड)ले जेनजी आन्दोलनपछि देशमा उत्पन्न परिस्थित, सरकारविहीनताको अवस्था तथा नयाँ सरकार आएपछिको अवस्थामा आफूलाई फरक फरक रुपमा परिभाषित गर्दै आएका छन् ।

    उनले गर्ने गफ र लिने निर्णय र व्यवहार त्यति मिल्दैन। प्रचण्डले जेनजी आन्दोलन र त्यसका उपलब्धी आफ्नै नेतृत्वमा भएको भन्ने जस लिन हतारमा तत्कालीन नेकपा माओवादी केन्द्रको अध्यक्षबाट राजीनामा दिए । राजीनामासँगै उनले आफूनै संयोजक बनाएर बाँकी कुनै पद नहुने घोषणा गरे ।

    यो घोषणामा उनले अब पार्टीको नेतृत्व जेनजीले गर्नुपर्छ र आफ्नो पार्टीको नेतृत्व पनि जेनजीले नै गर्ने भन्दै लगातार औपचारिक तथा अनौपचारिक क्षेत्रमा भनिरहेका छन् ।

    लगत्तै नेकपा एकीकृत समाजवादीसँग पार्टी एकता गर्दा पनि कुनै पद नराख्ने भन्दै आफू संयोजक र नेकपा एकीकृत समाजवादीका अध्यक्ष माधवकुमार नेपाललाई सहसंयोजक बनाएर नेपाली कम्युनिष्ट पार्टी गठन गरे ।

    तर, यो पार्टीमा उनकै नेतृत्व र हालिमुहाली छ । उनीसँगै काम गर्नेले अपेक्षा गरेका थिए अब प्रचण्डले युवा र जेनजीका एजेन्डा र नेतृत्व अघि बढाउँछन् । त्यसमा पनि प्रचण्ड गफाडी नै देखिए । प्रचण्ड नेतृत्वको नेपाली कम्युनिष्ट पार्टीले १६५ निर्वाचन क्षेत्रमध्ये १६४ निर्वाचन क्षेत्रमा उम्मेदवार तोकेको छ ।

    १६४ उम्मेदवार छान्दा प्रचण्ड र उनको दल नेपाली कम्युनिष्ट पार्टीले विगतमा गरेको वाचा र जेनजी आन्दोलनको जस लिन गरेको प्रतिवद्धता बिर्सिएको छ । आगामी फागुन २१ लाई तय भएको प्रतिनिधिसभा निर्वाचनमा प्रचण्डले गरेको छनौटमा एक जनामात्र जेनजी उमेर समूहका उम्मेदवार छन् ।

    ३२ देखि ४५ वर्ष उमेरसमूहका उम्मेदवारको संख्या केही बढी भए पनि जेनजी समूहमा रहेका एक्ला उम्मेदवार भने मधेस प्रदेशको बारा निर्वाचन क्षेत्र नम्बर चारका अजय कुशवाहा हुन् । २०५५ को बैशाख एक गते जन्मिएका उनी २७ वर्षका मात्र भए । उनी नै प्रचण्डले गरेको घोषण, विगतको प्रतिवद्धता अनुसारका एकमात्र जेनजी समूहका उम्मेदवार हुन् ।

    बाँकी प्रचण्डले जेनजीलाई ठाउँ दिने, जेनजीका एजेण्डा आफूले उठाउने भनेर गरेका प्रतिवद्धता गफ मै सीमित भएका छन् ।

    नेकपाका उम्मेदवार

    1p

    2p

    3p

    4p

    5p

    प्रतिक्रिया दिनुहोस्
    images
    images