images
images
  • गगन थापालाई सर्वोच्चको आधिकारिकता, पार्टीको सबै कार्यसम्पादन गर्ने बाटो खुला

    काठमाडौं– नेपाली कांग्रेसको आधिकारिकता विवादमा सर्वोच्च अदालतले अन्तरिम आदेश नदिने निर्णय गरेको छ ।

    शेरबहादुर देउवा पक्षले निर्वाचन आयोगको गगन थापालाई सभापति मान्यता दिएको निर्णयविरुद्ध दिएको रिटमा मंगलबार प्रारम्भिक सुनुवाइ गर्दै अदालतले अन्तरिम आदेश अस्वीकृत गरेको हो ।

    यसअर्थ, अन्तिम फैसला नआएसम्म थापाले सभापतिको हैसियतमा पार्टी सञ्चालन गर्न सक्ने भएका छन् ।

    निर्वाचन आयोगले विशेष महाधिवेशनबाट चयन भएको कार्यसमितिलाई मान्यता दिएको थियो ।

    थापाले ६५ क्षेत्रका टिकट बाँडिसकेका छन् र सोमबार मात्र सबै पक्षबीच सहमति गरी टिकट वितरण र सर्वोच्चको निर्णय दुवै स्वीकार गर्ने निर्णय भएको थियो ।

    सर्वोच्चले रिटमा १५ दिनभित्र अन्तिम सुनुवाइ हुने गरी आदेश दिएको छ ।

    अदालतले राजनीतिक दलको पदाधिकारीको आधिकारिकताको विवादले प्रतिनिधिसभा निर्वाचन रोक्न सक्ने वा नसक्ने, विशेष महाधिवेशन वैधानिक भए नभएको, तथा पार्टी विधान र राजनीतिक दलसम्बन्धी ऐन बमोजिम निर्णयको वैधता जस्ता संवैधानिक प्रश्न अन्तिम सुनुवाइमा टुंग्याउने जनाएको छ ।

    देउवा र कार्यवाहक सभापति पूर्णबहादुर खड्काले आयोगको निर्णय खारेज गर्न रिट दर्ता गरेका थिए, तर सर्वोच्चले अहिले तत्काल रोक लगाउने आवश्यकता नभएको ठहर गरेको छ ।

    प्रतिक्रिया दिनुहोस्
    images
    images