काठमाडौं– नेपाली कम्युनिस्ट पार्टी (नेकपा)का आधिकारिक उम्मेदवारविरुद्ध चार निर्वाचन क्षेत्रमा बागी उम्मेदवारी दर्ता भएको छ ।
फागुन २१ मा हुने प्रतिनिधिसभा निर्वाचनका लागि नेकपाले १६४ क्षेत्रमा उम्मेदवारी दिएको छ ।
बागी उम्मेदवारी बागमतीको सिन्धुली–२, कोशीको उदयपुर–२, लुम्बिनीको दाङ–२ र कर्णालीको कालिकोट–१ मा परेको हो ।
सिन्धुली–२ मा लेखनाथ दाहालविरुद्ध केन्द्रीय सदस्य महेश्वर दाहालले उम्मेदवारी दिएका छन्, जसलाई पूर्वनेता गजुरेलको समर्थन छ ।
दाङ–२ मा मेटमणि चौधरीविरुद्ध पूर्वमुख्यमन्त्री कुलप्रसाद केसीले बागी उम्मेदवारी दिएका छन् ।
कालिकोट–१ मा टिकट नपाएपछि जीवन बुढा बागी बनेका छन् भने उदयपुर–२ मा सुरेश कुमार राईविरुद्ध मेजर राईले उम्मेदवारी दर्ता गराएका छन् ।
पार्टी नेताहरूले बागी उम्मेदवारी फिर्ता गराउने प्रयास भइरहेको र नफिर्ता लिए कारबाही हुने बताएका छन् ।
अन्य प्रदेशमा भने बागी उम्मेदवारी नपरेको जनाइएको छ ।























