विश्व खबर 
काठमाडौं– मधेश प्रदेशका पूर्वमुख्यमन्त्री सतिश सिंहले प्रदेशसभा सदस्य पदबाट राजीनामा दिएका छन् ।
उनले जनमत पार्टीको साधारण सदस्यसमेत नरहने गरी पार्टीबाट अलग भएको घोषणा गरेका छन् ।
प्रतिनिधिसभा निर्वाचनका लागि सिंहले दाइ सत्यवानकुमार सिंहको नेतृत्वमा ‘स्वाभिमान पार्टी’ दर्ता गराएका छन् र सोही पार्टीबाट उम्मेदवार बन्ने तयारीमा छन् ।
सिंह २०७९ को निर्वाचनमा सप्तरी क्षेत्र नम्बर २ (क) बाट जनमत पार्टीबाट निर्वाचित भएका थिए ।
जनमतले उनलाई अर्थ समितिको सभापति र पछि मुख्यमन्त्री बनाएको थियो ।
जेनजी आन्दोलनका क्रममा पार्टी नेतृत्वसँग विवाद बढेपछि उनी विवादित बनेका थिए ।
यसअघि सिंह २०७४–२०७९ सम्म तिलाठी कोइलाडी गाउँपालिकाका अध्यक्ष थिए ।
४३ वर्षीय सिंह तिलाठी कोइलाडी–४ का स्थायी बासिन्दा हुन् ।
प्रतिक्रिया दिनुहोस्
