images
images
  • ओलीले विद्यापक्षलाई टिकट नदिएरै टुंग्याए १४१ क्षेत्रका उम्मेदवार, ८५ मा नयाँलाई अवसर

    काठमाडौं– नेकपा (एमाले)ले प्रतिनिधिसभा सदस्य निर्वाचन २०८२ को प्रत्यक्षतर्फ अधिकांश स्थानमा नयाँ अनुहारलाई प्राथमिकता दिएको छ ।

    हालसम्म टुङ्गो लगाइएका १४१ निर्वाचन क्षेत्रमध्ये ८५ स्थानमा २०७९ यता चुनाव नलडेका नयाँ उम्मेदवार अघि सारिएका छन्, जुन करिब ६० प्रतिशत हो ।

    बाँकी २४ क्षेत्रमा उम्मेदवार टुङ्ग्याउने जिम्मा अध्यक्ष केपी शर्मा ओलीलाई दिइएको छ ।

    प्रदेशगत रूपमा सुदूरपश्चिमका १६ मध्ये ९, कर्णालीका १२ मध्ये अधिकांश, लुम्बिनीका १८ मध्ये १२, गण्डकीका १८ मध्ये १३, बागमतीका २७ मध्ये १६, मधेसका २७ मध्ये १२ र कोशीका २३ मध्ये १४ स्थानमा नयाँ उम्मेदवार छन् ।

    केही निर्वाचन क्षेत्रमा भने अझै उम्मेदवार टुङ्ग्याउन बाँकी रहेको एमालेले जनाएको छ ।

    यीमध्ये विद्या भण्डारी पक्षका अधिकांश नेताले टिकट पाएका छैनन् ।

     

    प्रतिक्रिया दिनुहोस्
    images
    images