images
images
  • आधिकारिकताको माग गर्न दलबलसहित आयोग पुगे गगन–विश्वप्रकाश

    काठमाडौं– विशेष महाधिवेशनबाट निर्वाचित गगनकुमार थापाको नेतृत्वमा नेपाली कांग्रेसको पहिलो बैठकले निर्णयहरू पारित गरेपछि पार्टी विवरण अपडेट गर्नका लागि नेताहरू निर्वाचन आयोग पुगेका छन् ।

    सहमहामन्त्री डिला संग्रौलाले जानकारी दिँदै भनिन् कि आज बसेको केन्द्रीय समितिको बैठकले पार्टीको सबै विवरण अपडेट गर्ने निर्णय गरेको थियो । ‘सो निर्णयअनुसार सभापति गगनकुमार थापा र उपसभापति विश्वप्रकाश शर्मासहितका नेताहरू निर्वाचन आयोगमा जानकारी गराउन आएका हुन्,’ उनले थपिन् ।

    बुधबार सम्पन्न विशेष महाधिवेशनमा गगन थापाको नेतृत्वमा नयाँ कार्यसमिति चयन भएको छ । तर, शेरबहादुर देउवा नेतृत्वको कांग्रेसले भने पार्टीको कुनै विशेष महाधिवेशन नभएको दाबी गर्दै आयोगलाई पत्र पठाइसकेको छ ।

    देउवा नेतृत्वको कांग्रेसले पत्र पठाउनु अघि नै विशेष महाधिवेशन पक्षधरहरूले आयोगमा महाधिवेशन भइरहेको सन्दर्भमा जानकारी गराइसकेका थिए । यसकारण, हाल कांग्रेसभित्र आधिकारिकताको विवाद तीव्र बनेको छ ।

    प्रतिक्रिया दिनुहोस्
    images
    images