images
images
  • कांग्रेस, एमालेमा नेतृत्वप्रति चरम असन्तुष्टि, माओवादी–एस फुट उन्मुख र साना दलमा बेमेल

    काठमाडौं– जेन्जी विद्रोहपछि प्रमुख राजनीतिक दलहरू नेतृत्व हस्तान्तरण, पार्टी पुनर्गठन र विभाजनको संकटमा छन् ।

    भ्रष्टाचार र बेथितिविरुद्ध भदौ २३–२४ गते जेनजी समूहको विद्रोहले कांग्रेस–एमाले गठबन्धन सरकार ढाल्यो ।

    आन्दोलनले राज्य संयन्त्र असफल देखाएको हुँदा पुराना–नयाँ सबै दलहरू प्रभावित भएका छन् ।

    पूर्वप्रधान न्यायाधीश सुशीला कार्कीको नेतृत्वमा अन्तरिम सरकार गठन भयो र प्रतिनिधिसभा विघटन गरी फागुन २१ गते निर्वाचन घोषणा भइसकेको छ ।

    निर्वाचनमा भाग लिने विषयमा एमालेबाहेक सबै दल सकारात्मक देखिन्छन् ।

    नेपाली कांग्रेस

    पार्टीभित्र नेतृत्व हस्तान्तरण र महाधिवेशनको समयतालिका विवाद चर्किँदा असोज २८ गते अध्यक्ष देउवाले उपसभापति खड्कालाई कार्यवाहक सभापति नियुक्त गरे ।

    नियमित महाधिवेशन मंसिरभित्र गर्ने वा विशेष महाधिवेशन गर्ने भन्नेमा गुटगत विवाद बढेको छ ।

    संस्थापन र इतरपक्षबीच मतभेद अझै समाधान भएको छैन ।

    नेकपा (एमाले)

    जेनजी विद्रोहपछि नेतृत्व हस्तान्तरणको दबाब बढेको छ ।

    वरिष्ठ उपाध्यक्ष ईश्वर पोखरेल, उपाध्यक्षहरू शाक्य, पाण्डे, ज्ञवाली लगायत सचिवालय सदस्यहरूले ओलीले पद छाड्नुपर्ने पक्षमा छन् ।

    ओलीले मंसिरमा ११ औँ महाधिवेशन गर्ने निर्णय गरेपछि फेरि अध्यक्ष बन्ने बाटो खुलेको छ ।

    नेकपा (माओवादी केन्द्र)

    एकीकृत समाजवादीसँगको एकता विषयमा विवाद देखिएको छ ।

    केही नेताहरू जतारो एकता र व्यक्तिगत स्वार्थलाई रोक्नुपर्ने पक्षमा छन् ।

    तर, बहुमत एकताको पक्षमा रहेकाले १८ गते एकता घोषणा हुने तयारी छ ।

    नेकपा (एकीकृत समाजवादी)

    माओवादीसँग एकता गर्ने निर्णय भएपछि खनाल–भुसाल समूहले अलग बैठक गरी पार्टी पुनर्गठन र विभाजन रोक्ने प्रयास गरिरहेका छन् ।

    राष्ट्रिय स्वतन्त्र पार्टी

    सभापति रवि लामिछाने जेलमा हुँदा असन्तुष्टि बढेको छ ।

    पूर्वसहमहामन्त्री सुमना श्रेष्ठले पार्टी छोडेकी छन् ।

    नेताहरू नयाँ र वैकल्पिक शक्ति निर्माणका लागि छलफलमा छन् ।

    राष्ट्रिय प्रजातन्त्र पार्टी

    अध्यक्ष लिङ्देनको स्वेच्छाचारी नेतृत्वमाथि असन्तुष्टि बढेको छ ।

    संस्थापन बाहिरका नेताहरू दबाब दिँदै महाधिवेशन तत्काल बोलाउन खोजिरहेका छन् ।

    यी सबै घटनाहरू बाहेक विप्लव नेतृत्वको नेकपा, नेपाल समाजवादी पार्टी, क्रान्तिकारी कम्युनिस्ट पार्टी लगायत दलहरूमा पनि जेनजी विद्रोहको प्रभाव देखिएको छ ।

    मधेसमा नयाँ शक्ति र जनमत पार्टी विभाजनको अवस्थामा छन् ।

    प्रतिक्रिया दिनुहोस्
    images
    images