images
images
  • झलनाथ समूहले एकीकृत समाजवादीलाई नै निरन्तरता दिने, घनश्यामलाई अध्यक्ष बनाउने तयारी

    काठमाडौं– नेकपा (एकीकृत समाजवादी)भित्र आन्तरिक किचलो तीव्र बन्दै गएको छ ।

    जारी केन्द्रीय कमिटी बैठकले पार्टी दुई भागमा विभाजित हुने संकेत दिएको छ ।

    मुख्य विवाद अध्यक्ष माधवकुमार नेपाल र इतर समूहबीच माओवादी केन्द्रसँग एकता गर्ने–नगर्ने विषयमा देखिएको हो ।

    अध्यक्ष नेपाल माओवादीसँग एकता गर्न तयार छन् भने महासचिव घनश्याम भुसाल, नेता झलनाथ खनाल र रामकुमारी झाँक्रीलगायतको समूह त्यसको विपक्षमा उभिएको छ ।

    भुसालले बैठकमा खुलेर एकताको विरोध गर्दै नेपाल र प्रचण्ड दुवैलाई ‘अब विश्राम लिनुपर्ने’ सुझाव दिएका छन् ।

    उनले नाम, झण्डा र चिन्ह मिलाएर मात्र प्राविधिक एकता गर्नु अपमानजनक हुने तर्क गरेका छन् ।

    खनाल र झाँक्री पनि यही धारणा साझा गर्छन् ।

    झाँक्रीले त अध्यक्ष नेपालले पतञ्जलि जग्गा प्रकरणपछि राजीनामा दिनुपर्ने माग गर्दै आएकी छन् ।

    उनका अनुसार, पार्टीभित्रै कार्यकर्ताको चाहना पनि नेपालको विश्रामतर्फ केन्द्रित छ ।

    स्रोतका अनुसार, अन्ततः एस दुई धारमा विभाजित हुनसक्छ, नेपाल पक्ष माओवादीसँग एकता गर्ने र भुसाल–खनाल–झाँक्री समूहले पार्टीलाई निरन्तरता दिने ।

    यस्तो अवस्थामा भुसाल नयाँ अध्यक्ष बन्ने सम्भावना देखिएको छ ।

    झाँक्री तत्काल माओवादी वा एमाले दुबैमा जाने सम्भावनाबाट टाढा छिन् ।

    उनी ओलीको विकल्पको रूपमा आफ्नो अलग राजनीतिक लाइन अघि बढाउने तयारीमा रहेको बुझिएको छ।

    यसरी हेर्दा एसका युवा पुस्ता माओवादीमा जानेभन्दा आफ्नै पार्टीलाई निरन्तरता दिने पक्षमा खुल्दै गएका छन्।

    प्रतिक्रिया दिनुहोस्
    images
    images