images
images
  • कांग्रेस संस्थापन गुटको भेलामा कार्यवहाक सभापति खड्का इतरपक्षसँग आक्रामक किन ?

    काठमाडौं– नेपाली कांग्रेसको केन्द्रीय कार्यसमिति बैठक अब बिहीबारबाट पुनः सुरु हुने छैन ।

    पूर्वकेन्द्रीय सदस्य ऋषिकेश गौतमको निधनका कारण १ कात्तिकमा शोक प्रस्ताव पारित गर्दै बैठक १२ दिनका लागि स्थगित भएको थियो ।

    २८ असोजदेखि सुरू भएको बैठकमा ३० असोजदेखि विभिन्न १० एजेन्डामा छलफल सुरु भएको थियो ।

    बैठकमा पार्टीको १५औँ महाधिवेशनबारे केन्द्रीय सदस्यहरूले आफ्ना धारणा राखिरहेका थिए ।

    कांग्रेसले जनाएको छ, बिहीबारदेखि बाँकी नेताहरूले बोल्ने क्रम सुरु हुने थियो भने हरेक सदस्यलाई ११ मिनेट समय दिइने थियो ।

    स्थगितपछि कांग्रेसको संस्थापन पक्षले बुधबार ललितपुरको धोबिखोलास्थित एक होटलमा छुट्टै बैठक बसेको छ ।

    बैठकमा कार्यवहाक सभापति पूर्णबहादुर खड्का निकै शेखर कोइराला पक्षसँग आक्रामक देखिएका छन् ।

    इतरपक्षले नियमित महाधिवेशनको कुर्नुको साटो विशेष महाधिवेशन माग गर्दै हस्ताक्षर अभियान चलाएको भन्दै आक्रामक देखिएका हुन् ।

    कार्यवाहक सभापति पूर्णबहादुर खड्काले ३० असोज, ८ र १० कात्तिकमा पनि त्यही होटलमा छलफल गरेका थिए ।

    कांग्रेसमा मंसिरमा नियमित महाधिवेशन गर्नुपर्ने माग बढेको छ ।

    विशेष महाधिवेशनका लागि झन्डै ५४ प्रतिशत प्रतिनिधिको हस्ताक्षरसहित लिखित निवेदन परेको छ ।

    प्रतिक्रिया दिनुहोस्
    images
    images