images
images
  • मन्त्रीमा सिफारिस खगेन्द्र सुनार कांग्रेस महाधिवेशन प्रतिनिधि भएको खुलासा

    काठमाडौं– प्रधानमन्त्री सुशीला कार्कीले श्रम, रोजगार तथा सामाजिक सुरक्षा मन्त्रीमा सिफारिस गरेका खगेन्द्र सुनार नेपाली कांग्रेसका १४औं महाधिवेशन प्रतिनिधि भएको खुलेको छ ।

    २०७८ मंसिरमा दैलेख–१ बाट खुलातर्फ उम्मेदवार बनेर ३४९ मतले महाधिवेशन प्रतिनिधि निर्वाचित भएका थिए ।

    तर, सुनारविरुद्ध तीनवटा अदालतमा मुद्दा चलिरहेको तथ्य फेला परेको छ ।

    सुर्खेत जिल्ला अदालतमा मेहेलकुना अस्पतालका प्रमुखमाथि हातपात र स्वास्थ्य संस्था तोडफोडको मुद्दा छ ।

    काभ्रे जिल्ला अदालतमा साइबर मुद्दा दर्ता भएको छ भने सर्वोच्च अदालतमा मानहानिको मुद्दा विचाराधीन छ ।

    सुनारले नियमित तारेखमा उपस्थित नभएको र केही घटनामा अदालत बाहिर हुलहुज्जत तथा तोडफोड गरेको समेत जनाइएको छ ।

    यसका कारण प्रधानमन्त्री कार्कीले सुनारलाई मन्त्री बनाउने कि नबनाउने भन्ने विषयमा थप छलफल गरिरहेकी छन् ।

    प्रतिक्रिया दिनुहोस्
    images
    images