images
images
  • नेतृत्व हत्याउन कांग्रेस संस्थापनबाट खड्का र इतर समूहमा शेखर–गगनबीच भारी प्रतिस्पर्धा

    काठमाडौं– नेपाली कांग्रेसको १५औं महाधिवेशनलाई केन्द्रमा राखी पार्टीभित्र चर्चा–परिचर्चा तीव्र भइरहेकै बेला केन्द्रीय समितिको बैठक असोज ३० बाट सुरु भई अब १३ कात्तिकदेखि पुनः नियमित हुने भएको छ ।

    असोज २८ गतेको बैठकमा सभापति शेरबहादुर देउवाले सक्रिय राजनीतिबाट अवकाश लिँदै उपसभापति पूर्णबहादुर खड्कालाई कार्यवाहक सभापतिको जिम्मेवारी दिएका थिए ।

    देउवाको सहज बहिर्गमनले कांग्रेसभित्र नयाँ नेतृत्व उदाउने मार्ग प्रशस्त गरेको छ ।

    खड्काको नेतृत्वमा जारी बैठक तिहार र छठका कारण स्थगित भए पनि, पुनः सुरु हुने बैठकले पार्टी रूपान्तरण, नेतृत्व पुस्तान्तरण र १५औं महाधिवेशनको कार्यतालिकाबारे निर्णायक निर्णय गर्ने अपेक्षा गरिएको छ ।

    सभापतिका लागि तीन प्रमुख दाबेदारको प्रतिस्पर्धा रोचक देखिएको छ ।

    उनीहरूमध्ये कार्यवाहक सभापति पूर्णबहादुर खड्का, संस्थापनइतर समूहका शेखर कोइराला र युवा पुस्ताबाट गगन थापा छन् ।

    कोइराला नियमित मंसिर महाधिवेशनको पक्षमा सक्रिय छन् ।

    थापा युवालाई एकीकृत गर्दै नेतृत्वमा आउने तयारीमा छन् ।

    खड्का संस्थापन पक्षको साझा उम्मेदवार बन्ने सम्भावनासहित समर्थन विस्तारमा जुटेका छन् ।

    महामन्त्री थापा र विश्वप्रकाश शर्माले मंसिरमै नियमित महाधिवेशन गर्न प्रस्ताव पेश गरिसके पनि संस्थापन पक्ष चैतसम्मका लागि तयारी गर्नुपर्ने अडानमा छ ।

    यही विषयमा आगामी बैठक निर्णायक बन्ने भएकाले कांग्रेसको यो बैठकलाई पार्टीको भविष्य निर्धारण गर्ने मोडको रूपमा हेरिएको छ ।

    प्रतिक्रिया दिनुहोस्
    images
    images