विश्व खबर 
जनकपुर– मधेश प्रदेश सरकार विस्तारबारे सत्तारूढ दलहरूको बैठक आज बिहान ११ बजे रौतहटको चन्द्रनिगाहपुरमा बस्दैछ ।
जसपा नेपाल, जनमत, माओवादी केन्द्र, लोसपा र एकीकृत समाजवादी सहभागी रहने बैठकमा मन्त्रालय भागबण्डा, सरकारको टिओआर, विश्वासको मत लगायत विषयमा छलफल हुने जनाइएको छ ।
बैठकमा जनमतबाट फुटेको जनस्वराज र नागरिक उन्मुक्ति पार्टीलाई पनि सरकारमा समेट्ने विषयमा चर्चा हुनेछ ।
गत असोज २९ गते पाँच दलको समर्थनमा मुख्यमन्त्री बनेका लोसपा नेता जितेन्द्र सोनलले असोज ३० गते शपथ लिएपछि जनमतका महेशप्रसाद यादव र एकीकृत समाजवादीका कनिष पटेललाई बिना विभागीय मन्त्री नियुक्त गरेका थिए ।
मन्त्रालय भागबण्डा टुंगो नलागेकाले एक सातापछि पनि मन्त्रिपरिषद् विस्तार हुन सकेको छैन ।
प्रतिक्रिया दिनुहोस्