विश्व खबर 
काठमाडौं– जेनजी विद्रोहपछि उत्पन्न राजनीतिक अवस्थाबारे धारणा बनाउन बसेको नेकपा (एमाले) केन्द्रीय कमिटी बैठक शुक्रबार सकिएको छ ।
बैठकले संसद् पुनर्स्थापनाका लागि जनमत तयार गर्ने र पार्टीको ११औं महाधिवेशन मंसिर २७ देखि २९ गतेसम्म पोखरामा गर्ने निर्णय गरेको छ ।
भ्रष्टाचार नियन्त्रण र अभिव्यक्तिमाथिको अंकुशविरुद्ध भएको जेनजी विद्रोहपछि सत्ताच्युत भएको एमालेले अब संसद् पुनर्स्थापनालाई प्राथमिकतामा राखेको छ ।
पार्टीले यो कदम निर्वाचन बहिस्कारका लागि नभई संवैधानिक संकटको समाधानका लागि लिएको बताएको छ ।
प्रचार विभाग प्रमुख राजेन्द्र गौतमका अनुसार प्रतिनिधिसभाको पुनर्स्थापनाबाट नै लोकतान्त्रिक गणतन्त्रको रक्षा गर्न सकिन्छ ।
गौतमले एमाले निर्वाचनबाट नभाग्ने स्पष्ट गर्दै भने, ‘निर्वाचनका लागि आवश्यक वातावरण बनाउन सरकार नै असफल भएको हो ।’
निर्वाचन आयोगका सदस्य निरज आचार्यले पनि एमाले कुनै हालतमा निर्वाचनबाट नभाग्ने दोहोर्याए ।
बैठकमा अध्यक्ष केपी शर्मा ओलीले आत्मालोचना गर्दै पार्टीमा अनुशासन कायम गर्न नसकेको स्वीकार गरे ।
उनले जेनजी आन्दोलनका मागहरू सकारात्मक रहेको र पार्टीले समयमै सम्बोधन गर्न नसकेको मानेका छन् ।
ओलीले भिन्न विचारलाई प्रणालीभित्र राख्न सके पार्टी अझ सबल र एकताबद्ध बन्ने विश्वास व्यक्त गरे ।
ओलीले आइतबार सम्पादकहरूसँगको भेटमा ‘पूर्वप्रधानन्यायाधीशले संविधान पढ्नुभएको होला, उहाँ प्रधानमन्त्री बन्न मिल्छ ?,’ ओलीले भने ।
उनले यस्तै हो भने केपी ओली प्रधानमन्त्री बन्ने सम्भावना फेरि बढेको बताए ।
प्रतिक्रिया दिनुहोस्