images
images
  • कार्यवहाक तोक्ने पक्षमा छैनन् देउवा–ओली !

    काठमाडौं– नेपाली कांग्रेसका सभापति शेरबहादुर देउवाले तत्काल कार्यवाहक सभापति नतोकिने बताएका छन् ।

    महाधिवेशनअघि कार्यवाहक दिने चर्चा भइरहे पनि देउवाको सचिवालयले यसबारे कुनै छलफल नभएको स्पष्ट गरेको छ ।

    स्वकीय सचिव भानु देउवाका अनुसार अहिलेसम्म कार्यवाहक दिने विषयमा छलफलै भएको छैन, तयारी पनि छैन ।

    गत भदौ २४ को जेनजी आन्दोलनका क्रममा बुढानीलकण्ठस्थित निवासमा आक्रमणपछि देउवा सार्वजनिक रूपमा देखिएका छैनन् ।

    तर, उनी मंगलबार बस्ने केन्द्रीय समिति बैठकमा उपस्थित हुने र सम्बोधन गर्ने तयारीमा छन् ।

    पार्टी स्रोतका अनुसार बैठक लामो चलेमा देउवाले बैठक अवधिमात्र कार्यवाहक तोक्ने सम्भावना छ ।

    तर, महाधिवेशन नहुञ्जेलसम्मका लागि कार्यवाहक दिने सोच देउवाको छैन ।

    मंसिर मसान्तमा देउवाको चार वर्षे कार्यकाल पूरा हुँदैछ र विधानअनुसार उनी पुनः सभापति बन्न पाउँदैनन् ।

    उनले पछिल्ला दिनमा राजनीतिबाट अवकाश लिने संकेत पनि दिएका छन् ।

    मंगलबार सुरु हुने केन्द्रीय कार्यसमिति बैठकको मुख्य एजेन्डा महाधिवेशन मिति तय गर्नु हो ।

    हालसम्म उपसभापति पूर्णबहादुर खड्काले पदाधिकारी र कार्यसम्पादन समिति बैठकहरू सञ्चालन गर्दै आएका छन् ।

    प्रवक्ता डा. प्रकाश शरण महतका अनुसार शनिबार बसेको पदाधिकारी बैठकमा पनि कार्यवाहकबारे कुनै चर्चा भएको थिएन ।

    तर, पूर्वउपसभापति विमलेन्द्र निधि र पूर्वमहामन्त्री डा. शशांक कोइरालाले देउवाले कार्यवाहक तोक्नुपर्ने धारणा राखेका छन् ।

    देउवाका नजिकका नेता उदयशमशेर राणाले समेत महाधिवेशन तयारीका लागि कार्यवाहक तोक्न सुझाव दिएका छन् ।

    त्यस्तै नेकपा (एमाले) अध्यक्ष केपी शर्मा ओली पनि कार्यवहाक तोक्ने पक्षमा छैनन् ।

    प्रतिक्रिया दिनुहोस्
    images
    images