images
images
  • ओलीको सिफारिसमा कार्की प्रधानमन्त्री बनेको प्रचण्डको खुलासा

    काठमाडौं– नेकपा (माओवादी केन्द्र) का संयोजक पुष्पकमल दाहाल ‘प्रचण्ड’ले वर्तमान प्रधानमन्त्री सुशीला कार्कीको नियुक्ति तत्कालीन कामचलाउ प्रधानमन्त्री केपी शर्मा ओलीकै लिखित सिफारिसमा भएको बताएका छन् ।

    शुक्रबार सम्पादकहरूसँगको अन्तरक्रियामा प्रचण्डले राष्ट्रिय सङ्कटको अवस्थामा जेनजी युवाको भावना सम्मान गर्दै कार्कीलाई नियुक्त गरिएको भए पनि संवैधानिक प्रक्रियाअनुसार ओली नै सिफारिसकर्ता रहेको स्पष्ट पारे ।

    ‘कार्कीलाई प्रधानमन्त्री सिफारिस गर्ने केपी ओली नै हुन्,’ उनले भने, ‘राष्ट्रपतिले उनकै लिखित सिफारिसमा कार्कीलाई अन्तरिम सरकारको प्रधानमन्त्री नियुक्त गरेका हुन् । यो सरकार हावामा बनेको होइन ।’

    देश गम्भीर सङ्कटमा रहेको स्वीकार गर्दै प्रचण्डले यसको समाधानका लागि सबै दल, नागरिक समाज, पत्रकार र बुद्धिजीवी समेटिएको सर्वपक्षीय राजनीतिक सहमतिको आवश्यकता रहेको बताए ।

    प्रतिक्रिया दिनुहोस्
    images
    images