विश्व खबर 
काठमाडौं– हामी नेपाली संस्थाका संयोजक सुदन गुरुङले फेसबुकमार्फत ‘एरेस्ट केपी ओली, एरेस्ट रमेश लेखक, एरेस्ट मर्डर’ ट्रेन्ड सुरु गरेका छन् ।
‘राष्ट्रका लागि गर वा मर’ अभियानको सुरुवात गर्दै उनले पूर्वप्रधानमन्त्री ओली र तत्कालीन गृहमन्त्री लेखकको तस्बिरसहितको पोस्ट सार्वजनिक गरेका हुन् ।
जेनजी आन्दोलनका क्रममा प्रदर्शनकारीमाथि दमन र हत्या गरेको आरोप ओली–लेखकमाथि लगाउँदै आएका अभियान्ताहरू अहिले सुशीला कार्की नेतृत्वको अन्तरिम सरकारमाथि छानबिनमा दबाब दिइरहेका छन् ।
सरकारद्वारा भदौ २३ र २४ गतेका घटनाबारे पूर्वन्यायाधीश गौरीबहादुर कार्कीको नेतृत्वमा जाँचबुझ आयोग गठन गरिएको छ ।
आयोगलाई दबाब दिन सुदन र उनका समर्थकहरूले ट्रेन्ड अभियान चलाएका हुन् ।
आयोगले ओली र लेखकको राहदानी रोक्का गर्दै उपत्यका बाहिर जान अनुमति लिनुपर्ने व्यवस्था गरेको छ ।
यसअघि बालुवाटारमा पुगेर सुदनसहित जेनजी प्रतिनिधिहरूले प्रधानमन्त्री कार्कीलाई दबाब दिएका थिए ।
काठमाडौं महानगरका प्रमुख बालेन्द्र शाहले पनि बालुवाटार पुगेर ओली र लेखकलाई पक्राउ गर्न माग दोहोर्याएका छन् ।
यस्तो छ गुरुङले चलाएको ट्रेन्ड :
प्रतिक्रिया दिनुहोस्