images
images
  • हवाई टिकट नपाएपछि गृहमन्त्री अर्याल र उर्जामन्त्री घिसिङको इलाम भ्रमण स्थगित, सडकमार्ग भएर मानेनन् जान

    काठमाडौं– गृहमन्त्री ओमप्रकाश अर्याल र उर्जामन्त्री कुलमान घिसिङको सोमबार इलाम भ्रमण टिकट नपाएपछि स्थगित भएको छ ।

    उनीहरू असोज १८–१९ को अविरल वर्षापछि पहिरोले बढी क्षति पुगेको इलामको स्थलगत निरीक्षण गर्ने तयारीमा थिए ।

    योजना अनुसार उनीहरू काठमाडौं– झापा भद्रपुर नियमित उडान र भद्रपुर–इलाम हेलिकप्टरमार्फत जाने थिए, तर टिकट नपाउँदा भ्रमण स्थगित भएको गृह मन्त्रालय स्रोतले जनाएको छ ।

    भ्रमणको नयाँ मिति तय भइनसकेको छ ।

    उनीहरूसँग गृह, ऊर्जा र भौतिक सचिव पनि जाने तयारीमा थिए ।

    यद्यपि सडकमार्ग हुँदै इलाम पुग्न उनीहरूले नमानेको स्रोतले बतायो ।

    प्रतिक्रिया दिनुहोस्
    images
    images