काठमाडौं– अविरल वर्षासँग आएको बाढी र पहिरोबाट कोशी प्रदेशमा मृत्यु हुनेको संख्या ४९ पुगेको छ भने १७ जना घाइते भएका छन् ।
देशभर हालसम्म ५२ जनाको मृत्यु भएको प्रहरीले जनाएको छ ।
कोशी प्रदेश प्रहरी कार्यालय विराटनगरका अनुसार इलाममा मात्र ३७ जनाले ज्यान गुमाएका छन् ।
मृतकमा १३ पुरुष, १४ महिला, ३ बालक र ७ बालिका छन् ।
इलाममै १ जना पुरुष बेपत्ता छन् ।
पाँचथरमा २, उदयपुरमा २, खोटाङमा २, मोरङमा १ महिला र झापामा १ पुरुषको मृत्यु भएको छ ।
बाढीका कारण प्रदेशभर ६ हजारभन्दा बढी परिवार विस्थापित भएका छन् ।
झापामा सबैभन्दा बढी ५ हजार ४२५ परिवार, मोरङमा ३८६, सुनसरीमा ४५, धनकुटामा ६, उदयपुर र खोटाङमा ३–३ परिवार विस्थापित भएको प्रदेश प्रहरी कार्यालयले जनाएको छ ।
प्रतिक्रिया दिनुहोस्























