काठमाडौं– शनिबार र आइतबारको अविरल वर्षाका कारण देशका धेरै राजमार्गहरू विभिन्न स्थानमा अवरूद्ध भएका छन् ।
कहीँ पहिरो खसेका छन् भने कहीँ पुल र डाइभर्सन बगाउँदा यातायात पूर्ण रूपमा ठप्प छ ।
नेपाल प्रहरीका अनुसार कोशी प्रदेशमा कोशी, सिद्धिचरण, मध्यपहाडी र मेची राजमार्गहरू अवरूद्ध छन् ।
बागमती प्रदेशमा पासाङल्हामु सडकखण्डका तीन ठाउँमा सडक खुलेको छैन भने रसुवाको चीनसँगको नाका बन्द छ ।
सिन्धुलीको विपी राजमार्गमा रोशी खोलाले डाइभर्सन बगाउँदा सम्पर्क टुटेको छ ।
कान्ती लोकपथमा भीमफेदी–वगुवा खोलानजिक र कुलेखानी–सिस्नेरी सडक खण्डमा आवागमन रोकिएको छ ।
मदन भण्डारी राजमार्ग सिन्धुलीमा एकतर्फी चलेको छ भने मध्यपहाडी लोकमार्ग इलामको फिक्कलमा अवरुद्ध छ ।
संखुवासभाको बरूणखोला, ओखलढुंगाको भँडारे खोला, उदयपुरको कटारी र इलामको राजदुवाली क्षेत्रमा समेत सडकहरू बन्द रहेका छन् ।
प्रहरीका अनुसार रसुवा, सिन्धुपाल्चोक, काभ्रे र मकवानपुरका विभिन्न ठाउँमा पनि यातायात प्रभावित भएको छ ।
हेर्नुहोस् सूची :
























