काठमाडौं— जल तथा मौसम विज्ञान विभागले असोज १७ देखि मनसुन थप सक्रिय हुने जानकारी दिँदै नागरिकहरूलाई सतर्क रहन अनुरोध गरेको छ ।
बङ्गालको खाडीमा विकसित न्यून चापीय प्रणालीको प्रभावले कोशी, मधेश, बागमती, गण्डकी र लुम्बिनी प्रदेशमा हल्कादेखि भारी वर्षा हुने सम्भावना रहेको विभागले जनाएको छ ।
विभागका अनुसार, असोज १८ र १९ मा पनि मनसुन सक्रिय रहने भएकाले भू–क्षय, बाढी, पहिरो र यातायातमा असर पर्न सक्ने चेतावनी जारी गरिएको छ ।
नागरिकहरूले मौसमको अद्यावधिक जानकारी अनुसार आवश्यक सतर्कता अपनाउनुपर्ने बताइएको छ ।
प्रतिक्रिया दिनुहोस्























