images
images
  • कांग्रेस संस्थापनइतर समूहको ‘ग्रेसफुल एक्जिट’ मागसहित देउवामाथि हस्ताक्षरमार्फत दबाब

    काठमाडौं– नेपाली कांग्रेसमा विशेष महाधिवेशन माग गर्दै सोमबारदेखि हस्ताक्षर अभियान सुरु भएको छ ।

    सुरुमा १०९ जना महाधिवेशन प्रतिनिधिले हस्ताक्षर गरे पनि पदाधिकारी र केन्द्रीय सदस्यहरू भने सहभागी भएका छैनन् ।

    शेखर कोइराला र गगन थापा समूहले यो अभियानलाई जिल्ला–जिल्ला र निर्वाचन क्षेत्रमा विस्तार गर्ने तयारी गरेका छन् ।

    केन्द्रीय समितिमा देउवा पक्षको बहुमत भएकाले त्यहाँबाट विशेष महाधिवेशन पास हुने सम्भावना न्यून छ ।

    त्यसैले महाधिवेशन प्रतिनिधिहरूमार्फत दबाब सिर्जना गर्ने रणनीति लिइएको हो ।

    विधानअनुसार ४० प्रतिशत प्रतिनिधिले हस्ताक्षर गरेपछि सभापतिले तीन महिनाभित्र विशेष महाधिवेशन बोलाउनुपर्ने व्यवस्था छ ।

    देउवा हाल अस्पतालमा उपचाररत छन् र निकट नेताहरूलाई सहयोग गर्न आग्रह गरिरहेका छन् ।

    तर, संस्थापनइतर समूहले ‘ग्रेसफुल एक्जिट’ को अवसर दिनुपर्ने भन्दै दबाब बढाइरहेका छन् ।

    उनीहरूका अनुसार पार्टी रूपान्तरण र जेनजी पुस्ताको माग सम्बोधनका लागि विशेष महाधिवेशन अपरिहार्य छ ।

    यसअघि २०१४ सालमा विराटनगरमा विशेष महाधिवेशनबाट सुवर्ण शमशेरलाई हटाई बीपी कोइरालालाई सभापति बनाइएको ऐतिहासिक उदाहरण छ ।

    १४ औं महाधिवेशन (२०७८) मा ४७४३ प्रतिनिधि रहेका थिए ।

    जसको ४० प्रतिशत १८९७ जना हुन्छ ।

    सो संख्यामा हस्ताक्षर पुगे विशेष महाधिवेशन अनिवार्य हुनेछ ।

    प्रतिक्रिया दिनुहोस्
    images
    images