काभ्रेपलाञ्चोक– नख्खु कारागारबाट रास्वपा सभापति रवि लामिछानेसँगै फरार एक कैदीले आफ्नै श्रीमतीको हत्या गरेका छन् ।
पनौती नगरपालिका–१२ गागलका ३५–३६ वर्षीय सन्तबहादुर तामाङले श्रीमती ३० वर्षीया मनिषा घ्यावा तामाङको हत्या गरेको वडा अध्यक्ष जयराम केसीले पुष्टि गरेका छन् ।
सन्तबहादुर जवरजस्ती करणी मुद्दामा थुनामा परेका थिए ।
उनी हालै जेन्जी आन्दोलनका क्रममा नख्खु कारागारबाट भागेका थिए ।
घटनाबारे जानकारी दिँदै जिल्ला प्रहरी कार्यालय काभ्रेका प्रहरी उपरीक्षक कोमल शाहले इलाका प्रहरी कार्यालय बनेपाको टोली घटनास्थलतर्फ गइरहेको बताए ।
हत्या पछि तामाङ फरार छन् ।
प्रहरी पुगेपछि थप विवरण सार्वजनिक हुने जनाइएको छ ।
प्रतिक्रिया दिनुहोस्























