images
images
  • बालेनको पुलिसले भन्यो– सिंहदरबार जलिरहँदा कामपाले दमकल पठाएन भन्नु गलत

    काठमाडौं– जेन्जी आन्दोलनको क्रममा सिंहदरबारमा आगो लाग्दा काठमाडौं महानगरपालिकाले दमकल नपठाएको भन्ने रिपोर्ट गलत भएको काठमाडौँ महानगर प्रहरी प्रमुख राजुनाथ पाण्डेले स्पष्ट पारेका छन् ।

    बिहीबार पत्रकार सम्मेलनमा पाण्डेले भने, ‘महानगरपालिकाले दमकल परिचालन गरेन भन्ने कुरा गलत हो । तर, आगो लाग्ने बित्तिकै दमकल तुरुन्त पठाउने अवस्था थिएन ।’

    उनले आगो निभाउन पाँच दमकल परिचालन गरिएको, प्राथमिकतामा सिंहदरबार, अदालत र साझा सम्पत्ति राखिएको र भदौ २४ गते बिहान सवा ८ बजेदेखि २६ गते बिहानसम्म खटिएको जानकारी दिए ।

    पाण्डेले दमकलमा पानी सकिएपछि बालाजु र स्वयम्भूबाट पानी ट्यांकर ल्याएर आपूर्ति गरेको र विभिन्न अस्पतालमा रगत अभाव हुँदा प्रहरीलाई आवश्यक सहयोग उपलब्ध गराएको पनि बताए ।

    प्रतिक्रिया दिनुहोस्
    images
    images