विश्व खबर 
काठमाडौं– भदौ २३–२४ गतेको जेन–जी प्रदर्शनका क्रममा संसद् भवनस्थित राष्ट्रिय वाणिज्य बैंकको शाखाबाट करिब ३८ करोड रुपैयाँ हाराहारीमा लुटपाट भएको छ ।
राष्ट्र बैंकका गभर्नर डा. विश्वनाथ पौडेलका अनुसार उक्त शाखाबाट ५ करोड नगद र १८ किलो सुन चोरी भएको हो ।
अनुसन्धान अनुसार अन्य बैंक शाखा र एटीएममा पनि क्षति पुगेको देखिएको छ ।
तर, संसद् भवनको शाखाबाहेक कुनै लुटपाट सफल भएको छैन ।
प्रदर्शनकारीले मुख्य रूपमा संसद् र भाटभटेनी क्षेत्रमा आक्रमण गरेका थिए ।
जसमा केही एटीएम र शाखामा क्षति भए पनि रकम निकाल्न सकेनन् ।
गभर्नर पौडेलले बैंकिङ प्रणाली सुरक्षित रहेको बताए र डिजिटल पेमेन्ट तथा बैंकिङ सेवामा रोकावट नआएको पनि स्पष्ट पारे ।
उनले बैंक कर्मचारीको जिम्मेवारीपरायणता र वित्तीय प्रणालीलाई सुरक्षित राख्न सफल भएको प्रशंसा गरे ।
भाटभटेनी सुपरस्टोर, हिल्टन र अन्य सरकारी सम्पत्तिमा ठूलो क्षति पुगेको देखिएको छ ।
पौडेलले प्रभावित व्यवसायीलाई वित्त नीतिमार्फत सहजीकरण गर्नुपर्ने आवश्यकता औंल्याए ।
