काठमाडौं– नेकपा (एमाले) का पोलिटब्यूरो सदस्य महेश बस्नेतले एक÷दुई दिनभित्रै काठमाडौंमा १० हजार युवाको जुलुस गर्ने बताएका छन् ।
जेन्जी आन्दोलनपछि आगोले क्षतिग्रस्त भएको पार्टी कार्यालयमा मंगलबार युवा संघले आयोजित कार्यक्रममा बोल्दै बस्नेतले एमालेले पुरानै अवस्थातर्फ फर्केको पनि घोषणा गरे ।
उनले भने, ‘भोलि वा पर्सी हामी काठमाडौंमा १० हजार युवाको जुलुस गर्नेछौं, हेर्नुस्, एमालेले के गर्छ ।’
बस्नेतले त्यस्तै ‘मिसन ०८४’ विराट योजनालाई सन्दर्भ गर्दै भने कि त्यो योजना दुई वर्षअघि सरेको थियो र अब चुनावको तयारीमा जुटिएको बताए ।
‘हामी अब पुरानो अवस्थामा फर्कियौं; पहिले हामीले मिसन ०८४ भनेका थियौं, अब ०८२ मा लाग्यौं,’ उनले भने र थपे, ‘हामीले बहुमत ल्याउने लक्ष्य राखेका छौं ।’
कार्यक्रममा युवा संघका अध्यक्ष क्षितिज थेबेले ‘जेनजी’ को नाममा भएका विध्वंस र षडयन्त्रहरूको उजागर र त्यसमा संलग्नहरूको कारबाहीको माग गरे ।
उनले भनिन्, ‘जेनजीको नाममा भएका षडयन्त्रहरूको पर्दाफास हुनुपर्छ । अहिले चुनावी अन्तरिम सरकार बनेको छ, समयमै चुनाव हुनुपर्छ । संविधानको गलत व्याख्याबाट देशलाई राजनीतिक अस्थिरतामा धकेल्ने काममा हामी सतर्क रहनेछौँ ।’























