काठमाडौं– एमालेका निलम्बित सचिव तथा पूर्वउपप्रधानमन्त्री टोपबहादुर रायमाझी फेरि भागेका छन् ।
जेन्जी आन्दोलनपछि उत्पन्न अराजक अवस्थाको मौका छोपेर उनले सुन्धरास्थित केन्द्रीय कारागार तोडेका हुन् ।
यसअघि पनि नक्कली भुटानी शरणार्थी प्रकरणमा पक्राउ पुर्जी जारी भएपछि भारत भागेका रायमाझी अन्ततः नेपाल फर्केर पक्राउ परेका थिए ।
रायमाझीमाथि नेपाली नागरिकलाई शरणार्थी बनाएर अमेरिका पठाउने योजनामा संलग्न रहेको गम्भीर आरोप छ ।
बिचौलियाहरूको बयान, घरमा भेटिएका प्रमाण र उनका राजनीतिक पहुँचका कारण उनी मुद्दामा मुख्य प्रतिवादी बनेका थिए ।
तर, उनले निरन्तर आफू निर्दोष रहेको दाबी गर्दै अदालतसम्म संघर्ष गरे पनि सफल भएनन् ।
पहिलो पटक भाग्दा उनले ओली–प्रचण्डको राजनीतिक शक्ति आफ्नो पक्षमा लाग्ने आशा गरेका थिए ।
तर, त्यो सफल भएन ।
यसपटक भने उनले राजनीतिक प्रतिशोधको आरोप लगाउँदै फेरि भागेका हुन् ।
तर, बारम्बार भाग्ने उनको व्यवहारले नैतिक प्रश्न मात्र खडा गरेको छैन, उनीमाथि लागेको आरोपलाई पुष्टि गर्ने आधार पनि थपेको छ ।
आफ्ना मतदाता र कार्यकर्ताले आशा गरेको सफा हुने र विकासमा फर्किने सम्भावना उनले आफ्नै कदमले कमजोर पारेका छन् ।
अब उनले फेरि जनतामाझ जाने बाटो झन् साँघुरो बनाएका छन् ।
त्यस्तै रास्वपा सभापति रवि लामिछाने पनि जेन्जी आन्दोलनकैबीच घर फर्केका थिए ।
तर, उनी फर्किसकेका छन् ।
रविमाथि सहकारी ठगी मुद्दामा जेलमा सजाय भोगिरहेका छन् ।























