images
images
  • बेबी बुमर्स सुशीलालाई जेन–जी आन्दोलनको फाइदा, जेन–वाइको नेतृत्वमा विध्वंस

    काठमाडौं– जेनजी आन्दोलनलाई समर्थन जनाएका काठमाडौं महानगर प्रमुख बालेन्द्र साहले सडकमै उत्रिने क्षमता भएको बताए पनि आफू उमेरले जेनजी समूहमा नपर्ने भएकाले प्रत्यक्ष सहभागी हुन नमिल्ने बताएका थिए ।

    जेनजी सामान्यतः सन् १९९७–२०१२ बीच जन्मेका १३ देखि २८ वर्ष उमेरका युवालाई भनिन्छ ।

    तर, अहिले आन्दोलनको अगुवाको रूपमा चर्चामा आएका सुधन गुरुङ ३६–३८ वर्षका छन् ।

    उनी शीतल निवासमा राष्ट्रपति र प्रधानसेनापतिसँग वार्तामा समेत बसेका छन् ।

    भारतीय मिडियाले उनलाई आन्दोलनका सूत्रधारका रूपमा चित्रण गरिरहेका छन् ।

    काठमाडौंमा जन्मिएका सुधनको परिवारिक पृष्ठभूमि साधारण थियो ।

    पढाइमा खासै प्रगति नगरे पनि डिजे र क्लब व्यवसायमार्फत् चर्चामा आए ।

    २०७२ भूकम्पपछि उनले ‘हामी नेपाल’ नामक संस्था खोले ।

    जसले ठूलो संख्यामा सदस्य र कम्पनी तथा कलाकारबाट सहयोग पायो ।

    पछि उनी सामाजिक कार्य, रियलस्टेट र एभेन्चर व्यवसायमा लागे ।

    उनको धरानका मेयर हर्क साम्पाङसँग नजिकको सम्बन्ध थियो ।

    तर, पछि आलोचनाका कारण दूरी बढ्यो ।

    हाल उनी ‘हामी नेपाल’ मार्फत् जेनजी आन्दोलनमा सक्रिय छन् ।

    सुरुमा संस्थाले पानी वितरण र भोलिन्टियर मात्र गर्ने बताएको भए पनि अहिले उनी आन्दोलनको प्रतिनिधित्व गरिरहेका छन् ।

    सुधनको उमेर जेनजी समूहभन्दा माथि परे पनि विभिन्न कारणले उनलाई नेतृत्वको स्थान दिइएको छ ।

    उनी भारतीय नागरिक भएको भन्ने अफवाह दार्जिलिङका अर्का सुधन गुरुङसँगको नाम मिल्दोजुल्दो कारण फैलेको थियो ।

    जसको खण्डन दार्जिलिङकै गुरुङले सार्वजनिक रूपमा गरेका छन् ।

    त्यस्तै जेनजीको आन्दोलनले ओली सरकार ढलाएको छ भने नयाँ सरकार गठन सुरु भएको छ ।

    नयाँ सरकार प्रमुखका लागि जेन्जीले पूर्वप्रधानन्यायाधीश सुशीला कार्कीलाई अगाडि सारेको छ ।

    प्रतिक्रिया दिनुहोस्
    images
    images