विश्व खबर 
काठमाडौं– एक्स (ट्विटर)ले नेपालमा भ्रष्टाचार नियन्त्रण नभएसम्म दर्ता प्रक्रिया अघि नबढाउने स्पष्ट जवाफ दिएको छ ।
सरकारले सूचीकरणमा नआएका २६ सामाजिक सञ्जाल बन्द गर्ने निर्णय गरेपछि एक्सले पठाएको पत्रलाई गम्भीर रूपमा लिइएको छ ।
पत्रमा एक्सले नेपाललाई भ्रष्टाचार हुने मुलुकमध्ये अग्रस्थानमा रहेको र अभिव्यक्ति स्वतन्त्रताको ग्यारेन्टी नभएको कारण देखाउँदै दर्ता हुन नसक्ने अडान दोहोर्याएको छ ।
सञ्चारमन्त्री पृथ्वी सुब्बा गुरुङले पनि एक्सको पत्र आएको पुष्टि गर्दै कम्पनीले ‘भ्रष्टाचार बढी भएका मुलुकमा दर्ता नगर्ने नीति’ को उल्लेख गरेको बताए ।
सरकारले विगत १५ महिनादेखि फेसबुक, ट्विटरलगायतका सञ्जाललाई सूचीकरणमा आउन आग्रह गर्दै आएको छ ।
तर, ती कम्पनीहरूले अटेरी गर्दै आएका थिए ।
नेपाल अहिले ग्रे–लिस्टमा रहेकाले सामाजिक सञ्जालहरूले यस्तो आपत्ति जनाएको मन्त्रालय स्रोतको भनाइ छ ।
