images
images
  • विद्याको पक्षमा खुले सुदूरपश्चिम, लुम्बिनी, बागमती, कोशी र मधेसका अधिकांश प्रतिनिधि

    काठमाडौं– नेकपा (एमाले) विधान महाधिवेशनमा अध्यक्ष एवं प्रधानमन्त्री केपी शर्मा ओलीले पूर्वराष्ट्रपति विद्यादेवी भण्डारीको सदस्यताबारे छलफल नगर्न भने पनि प्रदेशगत समूहगत छलफलमा धेरै प्रतिनिधि खुलेरै उनको पक्षमा उभिएका छन् ।

    सुदूरपश्चिम, लुम्बिनी, बागमती र कोशीका प्रतिनिधिहरूले भण्डारीलाई पार्टीमा फर्किन रोकिनु नहुने धारणा राखे ।

    गण्डकी र मधेसमा छिटपुट रूपमा मात्र यो विषय उठ्यो भने कर्णालीमा खासै छलफल भएन ।

    सुदूरपश्चिमको समूहमा आधाभन्दा बढीले भण्डारीको पक्षमा बोले भने स्थायी कमिटी सदस्य कर्ण थापाले फरक मत राखे ।

    त्यहाँ सीमा विवाद, लिपुलेक व्यापार सम्झौताबारे नेपालले कडाइका साथ अडान लिनुपर्ने विषय पनि उठ्यो ।

    बागमतीमा ९६ मध्ये अधिकांशले भण्डारीको सदस्यता रोक्नु अलोकतान्त्रिक हुने बताए ।

    त्यहाँ ३३ प्रतिशत महिला सहभागिता र विधान संशोधनलाई महाधिवेशनमै सीमित गर्नुपर्ने सुझाव पनि आयो ।

    मधेसमा अरविन्द सिंहले पार्टीभित्रका काण्ड, अवसरवाद र संसद विघटनप्रति नेतृत्वको व्यवहारबारे प्रश्न उठाए ।

    कोशीका यज्ञ बास्तोला र तारा राईले राष्ट्रपति राजनीतिक पद भएकाले जिम्मेवारी सकेपछि पुनः सक्रिय राजनीतिमा फर्किन नपाउने भनाइ गलत भएको तर्क गरे ।

    कर्णालीले क्षेत्रगत प्रतिनिधित्वबारे जोड दियो भने गण्डकीका प्रतिनिधिहरूले संविधान र विधानअनुसार निर्णय गर्नुपर्ने बताए ।

    शनिबार समूहगत छलफल सकिएको छ र आइतबार हरेक समूहका टोली नेताले आफ्ना सुझाव प्रस्तुत गर्ने कार्यक्रम छ ।

    प्रतिक्रिया दिनुहोस्
    images
    images