images
images
  • उपनिर्वाचनका लागि राप्रपाको प्राइमरी इलेक्सनमै विवाद, बहिष्कारको पक्षमा राणा समूह

    काठमाडौं– राष्ट्रिय प्रजातन्त्र पार्टी (राप्रपा) ले रूपन्देही–३ को उपनिर्वाचन (कात्तिक १७) का लागि उम्मेदवार छान्न आन्तरिक प्रारम्भिक निर्वाचन (प्राइमरी इलेक्सन) गर्ने निर्णय गरेको छ ।

    तर, यस निर्णयले पार्टीभित्रै विवाद चर्किएको छ ।

    अध्यक्ष राजेन्द्र लिङ्देनले आकांक्षी नेताहरूलाई छलफलमा ल्याएर आपसी सहमति खोजेका थिए ।

    अन्ततः प्राइमरी इलेक्सन गर्ने निर्णय गरेपछि संस्थापनइतर समूह (विक्रम पाण्डे–धवल शम्शेर पक्ष) ले विरोध गर्दै बहिस्कारको चेतावनी दिएको हो ।

    उनीहरूले विधानअनुसार संसदीय समितिबाट उम्मेदवार चयन गर्नुपर्ने तर्क गर्दै लिङ्देनमाथि नियम उल्लंघन गरेको आरोप लगाएका छन् ।

    रूपन्देहीकै ओमसतिया २ का अध्यक्ष ज्ञानेश श्रेष्ठ, प्रदेश (ख) का अध्यक्ष प्रेमबहादुर कुँवरलगायतले विज्ञप्ति जारी गरी प्राइमरी प्रणाली अस्वीकार गरेका छन् ।

    उनीहरूको भनाइमा यसले कार्यकर्ताबीच फुट ल्याउने खतरा छ ।

    उता लिङ्देन पक्षले भने दीपक बोहराको निधनपछि परिवारभित्रै तीन आकांक्षी देखिएकाले लोकप्रिय उम्मेदवार पहिचान गर्न प्राइमरी इलेक्सन आवश्यक भएको दाबी गरेको छ ।

    सिफारिसमा उनका दुई छोरा गौरव र प्रज्वल तथा नातिनी स्वाती थापा पनि छन् ।

    प्रज्वलले त सोही दिन सामाजिक सञ्जालमार्फत आफ्नै उम्मेदवारी घोषणा गरिसकेका छन् ।

    यसअघि रास्वपाले पनि प्राइमरी इलेक्सन प्रयोग गरेको थियो, जसको विवाद अझै मथ्यिरहेको छ ।

    रास्वपाले भने राप्रपाको कदमलाई स्वागत गरेको छ ।

    राप्रपाले प्राइमरी इलेक्सनमा रूपन्देही–३ भित्रका क्षेत्रीय, प्रदेश, जिल्ला, स्थानीय समिति र भातृ संगठनका पदाधिकारी/सदस्य तथा सक्रिय सदस्यलाई मताधिकार दिने गरी मापदण्ड तयार पारेको छ ।

    संस्थापन पक्ष यसलाई आन्तरिक लोकतन्त्र बलियो बनाउने प्रयोग भन्छ भने विरोधी पक्षले विधानविपरीत, विभाजनकारी कदम भन्दै बहिस्कारको तयारी गरिरहेका छन् ।

    प्रतिक्रिया दिनुहोस्
    images
    images