काठमाडौं– रूपन्देही–३ उपनिर्वाचनका लागि राष्ट्रिय स्वतन्त्र पार्टी (रास्वपा)ले गरेको प्राथमिक निर्वाचन (प्राइमरी इलेक्सन) मा ६२ केन्द्रीय सदस्यमध्ये २७ जनाले मात्र मतदान गरेका छन् ।
आधाभन्दा बढी सदस्यले नै मतदान नगरेपछि नेताहरूले आश्चर्य प्रकट गरेका छन् ।
मोबाइल एपमार्फत भदौ १२ देखि १३ गतेसम्म भएको मतदानमा २ हजार ७७८ मतदातामध्ये १ हजार ५६७ मत खसेका थिए ।
साधारण सदस्यको मतभार ८०, तहगत समितिको १० र केन्द्रीय सदस्यको १० अंक थियो ।
हालसम्म लोकप्रिय मतमा सुलभ खरेल, डा.लेखजंग थापा र ज्ञानु पौडेल अग्रस्थानमा छन् ।
पाथिभेन्द्र उपाध्याय, कुसुम श्रेष्ठ र मधुप्रसाद आचार्य दोस्रो समूहमा देखिएका छन् ।
महामन्त्री कविन्द्र बुर्लाकोटीका अनुसार उम्मेदवारलाई राम्रोसँग नचिनेकै कारण वा ‘नो भोट’ प्रावधानका कारण केन्द्रीय सदस्यले मतदान नगरेको हुनसक्छ ।
नतिजा आजै सार्वजनिक गर्ने तयारी भइरहेको पार्टीले जनाएको छ ।























