images
images
  • एमाले, जसपा र लोसपाका मन्त्री फेरबदल गरेर कांग्रेसमाथि दबाब बढाउँदै प्रधानमन्त्री ओली

    काठमाडौं – प्रधानमन्त्री केपी शर्मा ओली नेतृत्वको सरकारले मन्त्रिपरिषद् पुनर्गठनको तयारी अघि बढाएको छ ।

    यसअघि बालुवाटारमा प्रधानमन्त्री ओली, कांग्रेस सभापति शेरबहादुर देउवा, उपप्रधानमन्त्री तथा अर्थमन्त्री विष्णुप्रसाद पौडेल र गृहमन्त्री रमेश लेखकबीच छलफल भएको थियो ।

    बैठकमा ओलीले कार्यसम्पादन कमजोर र विवादित मन्त्रीहरूलाई हटाएर नयाँ मन्त्री नियुक्त गर्ने प्रस्ताव राखेका थिए ।

    तर, कांग्रेसले आफ्नो समीकरण बिग्रने भएकाले आफ्ना मन्त्री नहटाउन आग्रह गरेको छ ।

    सरकार गठन भएको करिब एक वर्षपछि, एमालेले शिक्षा तथा संघीय मामिला मन्त्री गरी दुई मन्त्री परिवर्तन गरिसकेको छ भने कांग्रेसले अझै मन्त्री परिवर्तन गरेको छैन ।

    देउवाको सहमति नपाएपछि प्रधानमन्त्री ओलीले एमाले, जसपा र लोसपाका केही मन्त्रीहरूको संरचना परिवर्तनमा ध्यान दिन लागेका छन् ।

    जसपाका उपाध्यक्ष परशुराम बस्नेतका अनुसार यादव र साह भदौ ११ गतेभित्र राजीनामा दिनेछन् ।

    त्यसपछि डा.महतो र रञ्जु झाले पदभार ग्रहण गर्नेछन् ।

    बस्नेतले बताए अनुसार, यादव र साहलाई प्रारम्भमा एक वर्षका लागि मात्र मन्त्री बनाइएको थियो ।

    तर, उनीहरू एक वर्षभन्दा बढी समयसम्म सरकारमा रहेका थिए ।

    रञ्जु झालाई पहिले बिना विभागीय मन्त्रीको रूपमा सिफारिस गरिएको थियो ।

    तर, उनले पद स्वीकार गरेकी थिइनन् ।

    डा.महतो अघिल्लो पटक जसपा नेपालबाट वन मन्त्रीको जिम्मेवारी सम्हालेका थिए ।

    प्रतिक्रिया दिनुहोस्
    images
    images