काठमाडौं– नेकपा (एकीकृत समाजवादी)को मजदुर विशेष जिल्ला कमिटीमा समानान्तर कमिटी गठन भएपछि पार्टीभित्र विवाद थपिँदै गएको छ ।
केन्द्रीय सदस्य बिष्णु लम्सालले कुमार सापकोटा अध्यक्ष रहेको कमिटीलाई विघटन गरी उपाध्यक्ष कुण्डल खड्कालाई संयोजक तोक्ने निर्णय गरेको छ ।
तर, सापकोटाले यसलाई अस्वीकार गर्दै कमिटी पुनर्गठन गरेका छन् ।
यसरी दुई समानान्तर कमिटीको अवस्था सिर्जना भएको छ ।
सापकोटा पक्षका अनुसार लम्साल निकटकाले कमिटी सदस्यलाई जानकारी नदिई आफ्नो पक्षको कमिटी बनाएको हो ।
लम्साल अध्यक्ष माधवकुमार नेपालका नजिक छन् भने सापकोटा र सचिव रवि केसी महासचिव घनश्याम भुसालका नजिक छन् ।
केन्द्रीय सदस्य दीपक पौडेल झलनाथ खनाल निकट रहेको कमिटीमा पनि हस्तक्षेपको आरोप लागेको छ ।
यसअघि खनाल निकटकै नेताहरूले विद्यार्थी र युवा संगठनको समानान्तर कमिटी गठन गरेका छन् ।
प्रतिक्रिया दिनुहोस्























