काठमाडौं– प्रतिनिधिसभा अन्तर्गतको कृषि, सहकारी तथा प्राकृतिक स्रोत समितिले बिहीबार (भदौ ५) भूमिसम्बन्धी विधेयक बहुमतले पारित गरेको छ ।
विधेयक पारित गर्नअघि कांग्रेसका महामन्त्रीद्वयको संशोधन प्रस्ताव सरकारद्वारा स्वीकार गरिएको बताइएको छ ।
नेकपा (माओवादी केन्द्र)का केही सांसदले फरक मत राख्ने इच्छा व्यक्त गर्दै शुक्रबार (भदौ ६)सम्म समय मागेका थिए ।
तर, समितिले विधेयक पारित गरेपछि माओवादी सांसदहरूले फरक मत नदिई बैठक छाडेका छन् ।
माओवादीसँगै राष्ट्रिय स्वतन्त्र पार्टी (रास्वपा)का सांसदहरू पनि असहमति जनाउँदै बैठकबाट बाहिरिएका छन् ।
बाँकी सांसद भने हस्ताक्षरका लागि बैठककक्षमै बसेका छन् ।
प्रतिक्रिया दिनुहोस्























